ເຄື່ອງປະກອບ
- ປາມຶກຕັດເປັນຕ່ອນ 1 ຖ້ວຍນ້ອຍ
- ກຸ້ງປອກເປືອກ 1 ຖ້ວຍນ້ອຍ
- ຫອຍແມ່ພູທັງເປືອກ 10 ໜ່ວຍ
- ປາກະພົງຕັດເປັນຕ່ອນ 1 ຖ້ວຍນ້ອຍ
- ຫົວສີໄຄ 4 ຫົວ
- ໃບຂີ້ຫູດ 5 ໃບ
- ນຳ້ໝາກຂາມປຽກ ຫຼື ໝາກນາວຕາມຈຳນວນຕ້ອງການ
- ນຳ້ປາ 4 ບ່ວງແກງ
- ນຳ້ສຸບ 1 ຖ້ວຍແກງ
- ນຳ້ມັນພືດ 1 ຖ້ວຍນ້ອຍ
- ຜັກບົ່ວແຫ້ງ 6 ຫົວ
- ຜັກທຽມແຫ້ງ 4 ຫົວ
- ຫອມປ້ອມ 1 ມັດ
- ໝາກເຜັດແຫ້ງ 8 ໜ່ວຍ
- ໝາກເຜັດແດງ 2 ໜ່ວຍ
- ເກືອ 1 ບ່ວງແກງ
- ແປ້ງນົວ 1 ບ່ວງຊາ
ຕົ້ມຍຳອາວະກາດ
ການກະກຽມ
ເອົານຳ້ມັນໃສ່ໝໍ້ຄ້າງໄຟໃຫ້ຮ້ອນ ເອົາປາລົງຈືນໃຫ້ສຸກເຫຼືອງເມື່ອສຸກແລ້ວຕັກຂື້ນໃຫ້ສະເດັດນຳ້ມັນປະໄວ້. ຕັກນຳ້ມັນອອກໃຫ້ເຫຼືອນ້ອຍໜຶ່ງໃສ່ປາມຶກ, ກຸ້ງ, ຫອຍລົງຂົ້ວໃສ່ພໍສຸກຕັກອອກປະໄວ້ໃບຂີ້ຫູດລ້າງນຳ້ໃຫ້ສະອາດ, ຫົວສີໄຄປາດເປັນຕ່ອນ, ໝາກເຜັດສຽບໄມ້ປີ້ງໃຫ້ສຸກ ພ້ອມດ້ວຍຜັກ ບົ່ວ ແລະ ຜັກທຽມຕຳເຂົ້າກັນໃຫ້ແຫຼກ, ຫອມປ້ອມລ້າງນຳ້ໃຫ້ສະອາດຕັດເປັນໃບ, ໝາກເຜັດແດງ ແກະແກ່ນອອກຊອຍເປັນຕ່ອນນ້ອຍຍາວ.
ວິທີປຸງ ຕົ້ມຍຳອາວະກາດ
ເອົານຳ້ມັນໃສ່ໝໍ້ຄ້າງໄຟໃຫ້ຮ້ອນ ເອົາໝາກເຜັດທີ່ຕຳໄວ້ລົງໃສ່ ພ້ອມດ້ວຍນຳ້ສຸບ ໃສ່ໃບຂີ້ຫູດ, ຫົວສີໄຄ, ລົງຕົ້ມໃຫ້ຫອມໃສ່ນຳ້ໝາກນາວຊີມລົດໃຫ້ພໍດີ ໃສ່ປາທອດ, ກຸ້ງ, ປາມຶກ, ຫອຍ ທີ່ຈືນໄວ້ລົງຕົ້ມໃສ່ໃຫ້ເຂົ້າກັນ (ຖ້ານຳ້ໜ້ອຍໃຫ້ຕື່ມນຳ້ສຸບອີກກໍ່ໄດ້) ພໍໃຫ້ມີນຳ້ເລັກນ້ອຍ ຕັກໃສ່ຖ້ວຍໂຮຍດ້ວຍຫອມປ້ອມ, ໝາກເຜັດແດງທີ່ຊອຍໄວ້ (ຮັບປະທານກັບເຂົ້າ ຫຼື ເປັນຂອງແກ້ມກໍ່ໄດ້).
