ເຄື່ອງປະກອບ
- ຊີ້ນໝູບົດ: 2 ຖ້ວຍນ້ອຍ
- ຜັກບົ່ວຫົວໃຫຍ່ຊອຍນ້ອຍໆ: 1 ຖ້ວຍນ້ອຍ
- ໝາກເລັ່ນຊອຍນ້ອຍໆ: 1 ຖ້ວຍນ້ອຍ
- ໝາກເຜັດຫວານຊອຍນ້ອຍໆ: 1 ຖ້ວຍນ້ອຍ
- ຊ໋ອດໝາກເລັ່ນ: 1 ຖ້ວຍນ້ອຍ
- ສະປາເກັດຕີ້: 1 ຖົງ
- ກະທຽມ: ½ ຫົວ
- ນຳ້ມັນພືດ: ½ ຖ້ວຍນ້ອຍ
- ນຳ້ຕານ: ½ ຖ້ວຍນ້ອຍ
- ນຳ້ຊູບ: 2 ຖ້ວຍນ້ອຍ
- ເນີຍແຂງຂູດໂຮຍໝ້າ: 1 ຖ້ວຍນ້ອຍ
- ເນີຍ: 3 ບ່ວງແກງ
- ໃບກະວານ: 5 ໃບ
- ອໍລີກໂນ: 1 ບ່ວງແກງ
- ເກືອ: 1 ບ່ວງແກງ
- ພິກໄທ: 1 ບ່ວງຊາ
ສະປາເກັດຕີ້ໝູ
ວິທີປຸງ ສະປາເກັດຕີ້ໝູ
ຕົ້ມເສັ້ນສະປາເກັດຕີ້ ໃຫ້ສຸກຕັກອອກໃຫ້ສະເດັດນຳ້, ເອົາເນີຍໃສ່ໝໍ້ພໍລະລາຍໃສ່ກະທຽມຂົ້ວພໍຫອມເອົາເສັ້ນສະປາເກັດຕີ້ໃສ່, ພິກໄທໃສ່ແລ້ວຕັກອອກໃສ່ຈານປະໄວ້. ຫຼັງຈາກນັ້ນນຳເນີຍ ແລະ ນຳ້ມັນໃສ່ໝໍ້ຄ້າງໄຟໃຫ້ຮ້ອນເອົາຜັກບົ່ວຫົວໃຫຍ່ໃສ່ຂົ້ວພໍຫອມ. ໃສ່ຊີ້ນໝູຂົ້ວພໍສຸກແລ້ວເອົາເຄື່ອງປຸງທີ່ກຽມໄວ້ໃສ່ປຸງລົດດ້ວຍເກືອ, ນຳ້ຊູບ, ຊ໋ອດໝາກເລັ່ນ, ນຳ້ຕານໃສ່ແລ້ວຄົນໃຫ້ທົ່ວປຸງລົດຕາມໃຈມັນ. ເອົາເສັ້ນສະປາເກັດຕີ້ຈັດໃສ່ຈານລາດໜ້າດ້ວຍຊ໋ອດ, ເນີຍ.
