ເຂົ້າໜຽວໝາກມ່ວງ
ເຄື່ອງປະກອບ
- ເຂົ້າໜຽວ : 200 g
- ນຳ້ກະທິ : 150 cl
- ນຳ້ຕານຊາຍແດງ : 50 g
- ໝາກມ່ວງສຸກ : 1 ໜ່ວຍໃຫຍ່
- ໝາກງາຂົ້ວ : 2 ບ່ວງກາເຟ
- ເກືອ : 1 ບ່ວງກາເຟ
- ໃບເຕີຍ : 2 ໃບ
ວິທີເຮັດ ເຂົ້າໜຽວໝາກມ່ວງ
- ໜື້ງເຂົ້າ ໃຊ້ເວລາປະມານ 25 ນາທີ
- ປະສົມນຳ້ກະທິ, ນຳ້ຕານ ແລະ ເກືອ ໃສ່ໝໍ້ຄ້າງໄຟອ່ອນໆ ຈົນຟົດແລ້ວໃສ່ໃບເຕີຍ ແລະປິດໄຟ ຍົກໝໍ້ອອກຈາກເຕົາ
- ຫຼັງຈາກເຂົ້າສຸກແລ້ວ ໃຫ້ຖອກໃສ່ຊາມ ແລ້ວເອົານຳ້ກະທິທີ່ຕົ້ມຖອກໃສ່ ປະສົມໃຫ້ເຂົ້າກັນ ໂດຍຄົນຢ່າງຊ້າໆສະໝຳ່ສະເໝີ ແລ້ວປະໄວ້ 1 ຊົ່ວໂມງ
- ປອກໝາກມ່ວງ ຕັດເປັນຕ່ອນສີ່ຫຼ່ຽມລູກເຕົາ
- ກຽມຈອກສີ່ໜ່ວຍ ເອົາເຂົ້າທີ່ປະສົມກະທິໃສ່ຈອກໜ້ອຍໜື່ງໃຫ້ພໍດີພໍງາມ ຕາມດ້ວຍໝາກມ່ວງ ເອົາເຂົ້າໃສ່ອີກເທື່ອໜື່ງ ແລ້ວເອົາໝາກມ່ວງຢອງໃສ່ ເຮັດເປັນຊັ້ນສະຫຼັບກັນ ໂຮຍໜ້າດ້ວຍໝາກງາ (ຫຼື ເສີບໃສ່ຈານຕາມປົກກະຕິ)
