ກະກຽມ: 15 m
ປຸງແຕ່ງ: 40 m
ເສັດສົມບູນ: 1 h 10 m
ເປັນອີກທາງເລືອກນຶ່ງຂອງການເຮັດເຄັກທີ່ໃຊ້ແປ້ງໜ້ອຍ ເຊິ່ງປະກອບດ້ວຍທາດໂປຼຕີນທີ່ດີທີ່ສຸດ. ລອງພະຍາຍາມເຮັດເຄັກສູດນີ້ນຳກັນເບິ່ງ!
ສ່ວນປະສົມ
- ເມັດຊອກໂກແລັດຊິບ ທີ່ບໍ່ຫວານຫລາຍ: 1 1/2 ຈອກ
- ໝາກຖົ່ວ (chickpeas): 1 ກະປອງ ຫລື 19 ounce (ລ້າງ ແລະ ປ່ອຍໃຫ້ສະເດັດນຳ້)
- ໄຂ່: 4 ໜ່ວຍ
- ນຳ້ຕານຊາຍ: 3/4 ຈອກ
- ຜົງຟູ: 1/2 ບ່ວງກາເຟ
- ນຳ້ຕານໄອຊິງ: 1 ບ່ວງແກງ
ເຄັກຊອກໂກແລັດໝາກຖົ່ວກາບານໂຊ
ວິທີເຮັດ ເຄັກຊອກໂກແລັດໝາກຖົ່ວກາບານໂຊ
- ອຸ່ນເຕົາອົບໄວ້ທີ່ອຸນະພູມ 350 F (175 0C). ທາເນຍໃສ່ໃຫ້ທົ່ວພິມເຂົ້າໜົມເຄັກ ຂະໜາດ 9 ນິ້ວ.
- ເອົາເມັດຊອກໂກແລັດຊິບໃສ່ຖ້ວຍ ແລ້ວເອົາເຂົ້າອົບໃນເຕົາໄມໂຄຣເວບ ປະມານ 2 ນາທີ, ຫລັງຈາກອົບໄດ້ 1 ນາທີແລ້ວ ໃຫ້ຄົນຊອກໂກແລັດໃນຖ້ວຍທຸກໆ 20 ວິນາທີ ຈົນກວ່າ ຊອກໂກແລັດເລີ່ມອ່ອນ ແລະ ເປື່ອຍ. ຖ້າຫາກວ່າ ໄວໂຄຣເວບທີ່ທ່ານໃຊ້ ເປັນຊະນິດທີ່ມີກຳລັງສູງ ໃຫ້ທ່ານຫຼຸດກຳລັງຄວາມຮ້ອນຂອງໄມໂຄຣເວບລົງມາໃຫ້ເຫຼືອ 50 ເປີເຊັນ.
- ເອົາໝາກຖົ່ວ ແລະ ໄຂ່ໃສ່ໃນຊາມ ແລ້ວປະສົມເຂົ້າກັນຈົນທັງສອງສ່ວນປະສົມມີເນື້ອທີ່ລະອຽດດີ.
- ໃສ່ນຳ້ຕານ ແລະ ຜົງຟູ, ແລ້ວປະສົມໃຫ້ເຂົ້າກັນດີອີກຄັ້ງ.
- ຖອກຊອກໂກແລັດທີ່ເປື່ອຍແລ້ວລົງໃນຊາມຂອງສ່ວນປະສົມ ແລະ ຄົນໃຫ້ເຂົ້າກັນດີ, ໃຊ້ໄມ້ພາຍ ຂູດສ່ວນປະສົມທີ່ຕິດຂອບຊາມລົງມາເພື່ອ ໃຫ້ແນ່ໃຈວ່າຊອກໂກແລັດໄດ້ຖືກປະສົມດີແລ້ວ
- ນຳສ່ວນປະສົມ ທີ່ປະສົມແລ້ວ ຖອກລົງໃສ່ໃນພິມເຂົ້າໜົມເຄັກ ແລ້ວ ນຳເຂົ້າອົບປະມານ 40 ນາທີ ຫຼື ຈົນກວ່າເຄັກສຸກ (ໂດຍສັງເກດວ່າບໍ່ມີເຂົ້າໜົມຕິດ ໄມ້ທີ່ເຮົາສຽບລົງໄປທາງກາງເຂົ້າໜົມເຄັກ).
- ເອົາເຂົ້າໜົມເຄັກທີ່ອົບສຸກແລ້ວປະໄວ້ ເທິງຕະແກງປະມານ 10 – 15 ນາທີ ເພື່ອໃຫ້ເຢັນກ່ອນ ທີ່ຈະເອົາເຂົ້າໜົມເຄັກອອກຈາກພິມເພື່ອວາງໃສ່ຖາດ.
- ໂຮຍຜົງນຳ້ຕານ ໄອຊິງລົງໃສ່ໜ້າເຂົ້າໜົມເຄັກ
ເຄັກທີ່ໃຊ້ແປ້ງໜ້ອຍ ເຊິ່ງປະກອບດ້ວຍທາດໂປຼຕີນທີ່ດີທີ່ສຸດ. ລອງພະຍາຍາມເຮັດເຄັກສູດນີ້ນຳກັນເບິ່ງ!
