ເຄື່ອງປະກອບ
- ຊີ້ນງັວຕິດມັນ: 1 ກິໂລ, ເລືອກເອົາຊີ້ນທີ່ບໍ່ຫຍາບຫຼາຍ
- ໝາກພ້າວແຫ້ງ: 1 ໜ່ວຍ
- ຫົວຜັກບົ່ວແຫ້ງ: 10 ຫົວ
- ຫົວຂ່າ ຊອຍແລບໆ: 1 ບ່ວງໃຫຍ່
- ຫົວສ້ໄຄ ຊອຍແລບໆ: 1 ບ່ວງໃຫຍ່
- ຮາກຫອມປ້ອມຊອຍແລບໆ: 1 ບ່ວງແກງ
- ເຄື່ອງເທດ: 1 ບ່ວງຊາ
- ກະປິ: 1 ບ່ວງນ້ອຍ
- ນຳ້ປາ: 1 ບ່ວງແກງ
- ເກືອ: 1 ບ່ວງແກງ
- ນຳ້ຕານ: 1 ບ່ວງແກງ
- ໝາກແຄ້ງ: ½ ຖ້ວຍນ້ອຍ
- ໝາກເຂືອ ປາດເປັນຕ່ອນໃຫຍ່ພໍສົມຄອນ
- ໃບບົວລະພາ: 5 ຍອດ
- ໃບຂີ້ຫຸດ: 5 ໃບ
- ໝາກເຜັດແຫງໃຫຍ່: 10 ໜ່ວຍ
- ນຳ້ສະອາດ
ແກງເຜັດຊີ້ນງົວ
ວິທີປຸງ ແກງເຜັດຊີ້ນງົວ
ຊີ້ນງົວລ້າງນຳ້ໃຫ້ສະອາດ ຊອຍເປັນຕ່ອນໃຫຍ່ພໍສົມຄວນ. ໝາກພ້າວຂູດປັ້ນເອົາຫົວກະທິ ແລະ ນຳ້ປາຍ. ໝາກເຜັດໃຫຍ່ແຫ້ງແກະອອກແຊ່ນຳ້ໃຫ້ອ່ອນ ແລ້ວຟັກໃຫ້ແຫຼກ. ເຄື່ອງຫອມທຸກຢ່າງ ແລະ ໝາກເຜັດຕຳໃຫ້ລະອຽດ. ໃບບົວລະພາ, ໃບຂີ້ຫຸດ ລ້າງນຳ້ໃຫ້ສະອາດ.
ແບ່ງເຄີ່ງຫົວກະທິຂ້ຽວໃຫ້ແຕກມັນ, ເອົາເຄື່ອງຫອມທີ່ຕຳແລ້ວລົງຂົ້ວໃສ່ໃຫ້ມີໜ້າສີແດງ, ເອົາຊີ້ນ, ເກືອ, ນຳ້ປາ, ກະປິ, ໃບຂີ້ຫຸດ ລົງໃສ່ປະມານ 5 ນາທີ ຕັກລົງໃສ່ໝໍ້ນຳ້ປາຍກະທິຕົ້ມໃຫ້ສຸກເປືອຍພໍດີ, ເອົາໝາກແຄ້ງ, ໝາກເຂື້ອລົງໃສ່ ປຸງລົດໃຫ້ພໍດີ ເອົານຳ້ຫົວກະທີໃສ່, ໃບບົວລະພາໃສ່ຈີ່ງປົງ.
ສິລະປະໃນການປຸງແຕ່ງ
- ບໍ່ຄວນຕົ້ມໝາກແຄ້ງ ແລະ ໝາກເຂືອຈົນເປື່ອຍ ຫຼື ເປັນສີເຫຼືອງເພາະຈະເຮັດໃຫ້ບໍ່ເປັນຕາໜ້າແຊບ
- ຖ້າຊີ້ນຫຍາບຫຼາຍໃຫ້ຕົ້ມກັບປາຍກະທິກ່ອນ
