ແໜມເໜື່ອງ
ເຄື່ອງປະກອບ
- ຊີ້ນໝູ 1 ກິໂລ
- ມັນໝູເປັນຕ່ອນ 0,3 Kg
- ນຳ້ຕານ 6 ບ່ວງແກງ
- ເກືອ 2 ບ່ວງແກງ
- ຜັກທຽມແຫ້ງ 0,1 Kg
- ແປ້ງໜຽວ ຫຼື ສິງກະໂບບ່ວງແກງ
- ໄມ້ສຽບຕາມຕ້ອງການ
ການກະກຽມ ແໜມເໜື່ອງ
ຊີ້ນໝູລ້າງນຳ້ໃຫ້ສະອາດຟັກໃຫ້ມຸ່ນ ແລ້ວຕຳ່ໃຫ້ໜຽວແລ້ວນຳປະສົມເຄື່ອງປຸງ ທັງໝົດຄັ້ນເຂົ້າກັນໃຫ້ໜຽວ, ຜັກທຽມແກະກາບອອກສັບໃຫ້ລະອຽດ ແຕ່ບໍ່ຄວນຕຳໃສ່ກັບຊີ້ນໝູເປັນຕ່ອນນຳມາຊອຍເປັນຕ່ອນສີ່ຫຼຽມນ້ອຍໆປະໄວ້ ຈາກນັ້ນນຳຊີ້ນໝູທີ່ຕຳແລ້ວມາຊາວໃສ່ຜັກທຽມ, ມັນໝູແລ້ວປັ້ນເປັນກ້ອນຂະໜາດເທົ່າລູກຊີ້ນໜ່ວຍນ້ອຍແລ້ວສຽບໃສ່ໄມ້ນຳມາປິ້ງໃຫ້ສຸກ.
ສຳລັບຜັກທີ່ກິນກັບ
ແຜ່ນຢໍ່, ຜັກສະຫຼັດ, ຜັກສະເມັກ, ມາກເຟືອງ, ໝາກກ້ວຍທະນີ, ຫອມລາວ, ຜັກທຽມ, ຫອມ ປ້ອມ ແລະ ອື່ນໆ.
ແຈວ ແໜມເໜື່ອງ
ເຄື່ອງປະກອບ
- ເຂົ້າສານໜຽວ: 0,1 Kg
- ນຳ້ຕານກ້ອນ: 4 ກ້ອນ
- ນຳ້ຕານ: 0,5 ຖ້ວຍ
- ນຳ້ມັນຫອຍ: 0,5 ຖ້ວຍ
- ເກືອ: 1 ບ່ວງແກງ
- ຊີ້ນໝູແຫ້ງບົດລະອຽດ: 3 ບ່ວງແກງ
- ນຳ້ຜັກທຽມດອງ: 5 ບ່ວງແກງ
- ນຳ້ສົ້ມ: 5 ບ່ວງແກງ
- ຖົ່ວດິນ ບົດລະອຽດ: 5 ບ່ວງແກງ
ການກະກຽມ
ເອົາເຂົ້າລ້າງນຳ້ໃຫ້ສະອາດ ຕົ້ມຕອງເອົາແຕ່ນຳ້ໃຫ້ໄດ້ 3-4 ຖ້ວຍ ໝາກເຜັດປັ່ນໃສ່ກັບນຳ້ສົ້ມ, ນຳ້ຜັກທຽມດອງ.
ວິທີປຸງ
ເອົານຳ້ຕານລົງຈຽວໃສ່ໝໍ້ໃຫ້ເປັນສີແດງ ແລ້ວໃສ່ນຳ້ຕານກ້ອນ ແລະ ນຳ້ເຂົ້າ ປຸງເຄື່ອງທຸກຢ່າງລົງໃສ່ແລ້ວຊີມລົດຊາດ ໃຫ້ພໍດີເວລາຈະເສີບໃຫ້ໃສ່ໝາກເຜັດທີ່ບົດ ແລະ ໝາກຖົ່ວດິນ.
